Conoce Juf Leandra

Mi nomber ta Leandra Dijkhoff, y e proyecto aki a cuminsa como mi tarea final pa haña mi diploma como maestra di matematica. E idea a nace den 2020, ora mi tabata traha na Colegio San Antonio. Mayoria di e muchanan tabata atende San José Basisschool, caminda nan ta siña den nos lenguahe Papiamento.

Durante e tempo ey, mi a nota algo hopi interesante, e muchanan cu a siña matematica den Papiamento tabata compronde e materia mihor y tabata hasi e tarea nan cu mas confiansa. E observacion ey a keda cu mi, y despues di un tempo mi a pensa cu mester haci algo cu esey. E deseo pa trese un manera di enseñansa mas accesibel, mas facil pa e studiante mes por sigui cune online. Pa e motibo aki mi a crea e plataforma aki.

A lo largo di mi trabou como maestra, mi a siña hopi y mi a sigui desaroya mi estilo di enseñansa. Mi estilo ta basa riba claridad, pasenshi y motivacion. Mi ta kere cu cada studiante tin su propio ritmo di compronde y practica, cu deseo di inspira tur alumno gusta wiskunde mi ta sinti cu mi a logra mi meta.