E ta un plataforma di les online di wiskunde. E studiante por sigui un curso segun su leerjaar den un manera moderno cu videonan online. E ta pa MAVO 1–4, Ciclo Basico HAVO/VWO 1–2, HAVO 3–5 y VWO 3–6.
Pa ki edad y leerjaar e plataforma ta?
E ta pa Ciclo Basico 1 - 2, y tur aña di MAVO, HAVO y VWO.
E lesnan ta live of graba?
Tur e lesnan ta graba di antemano. E studiante por wak e videonan y sigui e lesnan na cualkier ora y na nan mesun tempo.
Tin klas of grupo?
No, tur les ta pa sigui individualmente.
E plataforma ta sigui e curriculum di Corsou tambe?
Si, e ta sigui e curriculum di Corsou tambe.
Tur lesnan ta den Papiamento?
Si, tur e lesnan y materialnan ta den Papiamento. E terminonan y oefentoetsen si ta na hulandes mirando cu e alumnonan ta traha examen den hulandes.
Pago, abbonement y cuenta
Cuanto e ta costa?
Tin un tarifa di abbonement di Alf. 75,- pa un luna, pa cada 3 luna (Alf. 215,-), of pa un aña completo (Alf. 810,-).
Con mi lo por paga?
Bo por paga cu credit card of debit card di Aruba of internacional. Nos ta uza Sentoo como a plataforma di pago.
Tin refund?
No tin refund, pero bo por uza e plataforma 3 dia gratis (free trial).
Con mi por cancela of stop e pago?
Pagamento no ta renoba automaticamente. Bo por stop ki ora cu bo kier. Bo lo ricibi un reminder si, pa renoba bo abbonement.
Con mi yiu por cuminsa uza e plataforma?
Nos ta recomenda pa bo crea un account pabo yiu cu su email personal of dibo como mayor.
Uzo di plataforma y contenido
Cuanto tempo cada les ta dura?
Mayoria di e videonan ta cortico y facil pa sigui. Tur video ta entre 2 pa 10 minuut.
Mi yiu por siña na su propio ritmo?
Si, e por pone pausa, ripiti, repasa of wak e mesun lesnan cuanto biaha cu e mester.
Ki topiconan tin aden?
Fraction, algebra, geometria, preparacion pa prueba y hopi mas.
Tin huiswerk of solamente ehempel pa practica?
Tin solamente oefentoets.
Mester tin ekiponan special?
Nos ta recomenda un tablet of laptop cu headphones pa un mihor experencia. Pero tambe por sigui lesnan riba telefon cu data/wifi. Mester tin internet si pa mira e material y wak e videonan.
Esaki ta remplasante pa bijles?
E ta un tool y plataforma pa yuda y duna sosten, e lo por sirbi manera di extra suplemento.
Seguridad, support y contacto
E plataforma ta safe?
Si, bo datonan personal ta proteha y bo privacidad ta garantisa.
Studiantenan por manda pregunta si nan keda pega?
Tin un forma pa tuma contacto via chat y via email. Juffrouw Leandra lo purba di contesta cada pregunto mas liher posibel. Si alumno of mayor no por haya e capitulo cu e alumno ta siñando na scol por semper manda un message via chat y lo haya sa cua ta e capitulo cu ta bezig cune.
Mi por wak e lesnan riba mi telefon?
Si, bo por wak e les nan riba bo telefon, bo lo mester tin internet si via WiFi of via data. Door cu bo ta wak video, nos ta recommenda wak e les ora bo ta connecta riba WiFi pa no caba bo data liher.
Mi por puntra pregunta si mi no ta compronde un les?
Bo por semper manda un pregunta na juffrouw Leandra. Ora di haci pregunta haci esaki mas specifico posibel pa asina juffrouw Leandra por contesta bo pregunta den un solo biaha.
Mi por practica cuanto cu mi kier?
Si, bo por practica cuanto cu bo kier.
E plataforma ta yuda mi prepara pa proefwerk, CP of examen?
Si, tur e lesnan ta sigui e lesnan di scol. E lesnan ta specialmente traha pa yudabo cu tur proefwerk, CP of examen di wiskunde.
Preguntanan pa studiante
Con mi por login na mi account?
Ora bo mayor(nan) of voogd traha un account, nan mester dunabo e password y email. E ora bo por drenta cu e informacion.
Con mi por haña e lesnan?
Mane bo login, bo tin acceso na tur e lesnan di bo leerjaar.
Kiko ta pasa si mi lubida mi password?
Bo por reset bo password via e pagina di login.
Tur cos ta den Papiamento of tin Hulandes tambe?
Tur e lesnan ta den papiamento. Porta den futuro lo tin les nan den otro lenguahe. Pero tur material pa practica y e termino nan di wiskunde ta keda den hulandes.
